Zévénmen
Fifolé - Lakours Kouvè
Révu Feux Follets-la invité lartis vijwèl-yé dan tou komminité kréyol otour moun-la pou soumèt ènn pòrtré ké n’a konsidéré pou kouvè niméro-la. Avèk vô soumisyon, voyé-nou vô pòrtré moun kout (maksimonm 100 paròl/mo) ekrí dan trwazyinm pèsonn dan vochènn langaj kréyol avèk sô tradiksyon en fransé (o zòt ka voyé in tèks yink en fransé). Pou çayé ki ékri en kouri-vini (kréyol Lalwizyàn): si to pa konné komen tradwi en fransé, nou sa konten pou fé tradiksyon-la si nou shwazi pibliké tô travay.
Fifolé: Lapèl a tèks
Shak lanné, bokou komminité kréyol otour moun-la sélébré yê Kréyolité pendan oktòb, Mwa Kréyol. Lalwizyàn, ki gin sochènn komminoté kréyol, mark okazyon-çila osit. Nouzòt envi plonjé dan litérati é lar vijwèl ki prézent Kréyolité é ça ki va avèk: Kréyolitid, lidentité, lakiltir, léspri, lenvironnmen, lar, lamizik, pèspèktiv, lèkspéryens, konnèksyon é dékonnèksyon, manjê, tradisyon-yé, fòlklòr, itou, itou, itou. É si no trouvé nou-minm dan in péyisaj plin fifolé — boul difé blé klè-yé plin mistè k’ap floté en lè, abitan dan sipriyè e maré Lalwizyàn — minm myé.
Lafèt a Eric Singleton pou rentré-la
In zévénmen gratis avan rentré-la. Koup shvé gratis, sak lékòl gratis, é manjé. Ina sa in léson fransé par Colby Angelle. Mé dèt paré a 5pm pou kouté bon lamizik zydeko par Éric Singleton & Underground Zydeco
Kafé Kréyol-la
Pou sélébré sô lamou pou lakiltir françé é kréyol-yé a nô kominoté, Mizé Wès Baton-Rouj va gin zévénmen-çila shak mwa pou nimpòt ki moun k’apé shèrshé in laplas pou parlé, apren, ou jish souchin langaj é lakiltir kréyol lalwizyan-la.
Latab Kréyol
Jwènn lékip-la koté Alliance Française de la Nouvelle-Orléans pou Latab Kréyol. In latab konvèrsasyon gratis pou tou moun.
Jouné lakiltir kréyol
Samdi le 3 oktòb o Gran Koto koté Park Town Hall, sinkiyèm fèstival Jouné Lakiltir Kréyol, prézenté par Louisiana Creole Culture & Vues de Culture, sa rétouné pou sélébré nô bèl lakiltir.