Makshou Mayi - Lalwizyan

Written By Taalib Pierre-Auguste

Lauren Richard

Makshou Mayi, ki té soumèt par Lauren Richard, trouv sô lorijinn dan mozayik Lalwizyan avèk linflwens zindyin é zafrikin. Ça prenn 30-50 minut pou préparé. Çé fasil pou kwi é sèrvi avèk dòt pla

Zingrédyen-yé

  • 12 oz sòsis boukanné

  • 12 oz békann

  • 4 kk dibèr

  • ½ zonyon jònn

  • ½ pimen vèr

  • ½ pimen enrajé

  • 1 tij séléri

  • 1 kk lay ashé

  • 6-7 épi mayi

  • ½ dilé é/ou lakrèmm

  • 1 tomat

  • disèl, dipwav, pimen sho pou gouté

Préparasyon

1. dépayé mayi épi lavé li

2. transhé dê grènn épi mété yé dan in bòl

3. klarsiyé 3 koton mayi ak do kouto dési bòl-la pou lashé dilé

4. koupé tou dòt jardinaj é lavyann

5. rousi békonn é sòsis ishka yé kroustiyan épi oté yé. Kité aproshan 4 kiyè lagrès

6. jouté dibèr épi zonyon, pimen, é séléri

7. soté jardinaj ishka yé prenn karamélizé épi jouté tomat é lay

8. soté pendan 2 minut

9. mété mayi endan li é brasé. Bésé tempéatchir. Kouvri pòt-la é kité kwi pendan 10 minut, bras li souven.

10.kan mayi gin tèkstir déziré, jouté lakrèmm é kwi (kouvri) pendan 5 minut plis

11.sézonné pou gouté ak disèl, dipwav, é pimen sho. mété lavyann é brasé.

Taalib Pierre-Auguste
Next

Zorèy Koshon - laLwizyan