Tart a Labouyi - Lalwizyan
Lauren Richard
Zingrédyen-yé
Lapat Gato
1/2 tas disik
3/4 tas dibèr
1 ks. èkstré lavanni ou 1 fèv lavanni
1/2 tas dilé
1 dézèf
3 ½ tas lafarinn
1 ks. lais
1/2 ks. disèl
Labouyi
4 tas dilé
1 ¼ tas disik
1/2 tas lamidon mayi
3 dézèf
1 ks. lavanni
2 kk. dibèr
Préparasyon
Shofé four ishka 350
Lapat
Krémé disik é dibèr ensenm
Jouté in démi disik en prémyé épi jouté balans-la
Jouté dézèf é lavanni
Dan in nòt bòl, kombiné zingrédyen sèk-yé
Jouté mélanj sèk dan mélanj disik dan trò zétap
1/3 mélanj sèk— démi dilé — 1/3 mélanj sèk —balans dilé — 1/3 mélanj sèk
Vlopé dan plastik é mété li dan frijidè pou sézi tandi vou prépar labouyi
Labouyi
Shofé 4 tas dilé dési difé mwayin
Si vou ap sèrvi fèv lavanni, transhé li en dé é mété grènnaj é palèt dan dilé
Dan in nòt bòl, mélayé disik é lamidon mayi ishka ini
Bat dézèf dan mélanj ishka ini
Tandi vou apé fwèté, jouté dilé dan mélanj dousmen
Kan li tou jouté, jouté li dan pòt dési shalè ba
brasé ishka li épési
Wété dépi difé
Si vou ap sèrvi èkstré lavanni, jouté li astè I
Jouté dibèr
Vou labouyi fini
Konstimen
Fo pa bouyi dilé. Dilé sé shodé
Kontinwé brasé sinon dézèf sé kayé. Fo PA rété brasé
Labouyi sé fòrmé in lapo kan li asi, plastik-la gin pou pousé endan labouyi
Çé in karaktèrisk a Tart a Labouyi pou bòr tart pliyé sir labouyi. Bòr-yé sé pa kouvri tou labouyi, jish dê bòr.
Dékoré ak fri, lakrèmm fwèté, é/ou méring
