Pétishon kont Gouvèrnœr Landry
Le 4 mé, Marian Hills é Katilyn Stepter, té soumèt in pétishon kont Gouvèrnœr Landry pou fé li résinné. Yé akiz li pou pa travayé pou lintéré a moun Lalwizyan é mété laksen enho pinisyon. Yé gin pou ramasé omwins 500,000 sinyatir a popilasyon Lalwizyan ki réjistré pou voté en 180 jou.
Lorganizatèz a pétishon, Katilyn Stepter, té kouri dan médya sosyal pou avèrti kont dê fròd. Yé pœr moun ki p’olé pétishon réisi alé séyé kalé li. Yé mèt laksen enho limpòrtans a sinné pétishon en pèrsonn. Çé imposib pou sinné enlinn, fo osi dèt réjistré pou voté.
Pétishon-çila té minm ganyé lintéré endéyòr Lalwizyan kan Rèp. Jasmine Crockett a Tèksas té posté sô èksitmen pou pétishon Lalwizyan-la apé di ke yé bezwin dê pétishon partou pou “tou répiblikin tris ki dézimaniz.” Katilyn é Marian, y’apé organizé é montré moun pou édé é kité moun Lalwiyzan sinné pétishon dan tou lê kwin a Léta.
Pou swiv pétishon é trouvé pli linfòrmasyon, kliké lyin enba.
