Hantaj: in nouvo koronaj?
Mété a jou: le 11 mé 8:30pmLe 10 mé, 17 amérikin, ki té voyajé dan batimen krwayzè, MV Hondius, té répatriyé o Zétazini. Yé mété atèr a labaz Offutt a Lafòrs dèr dan Omaha, Nebraska épi shariyé o sent karantinn nasyonal éyou CDC va véyé é tèsté tou pasajé ki té peud-provab èkspozé a viris-çila. Si yé négativ, yé sé résévwa pèrmisyon pou fé karantinn koté lamézon pendan 42 jou. In pasajé ja tèsté positiv, mé ça kapab prenn 42 jou pou dê simptòm pou parèt.
Dèk astè, ina ja 3 moun kikiribou ki té prenn pasaj pou Sint-Élènn, Tristan da Cunha é Kap Vèr. Hantaviris çé osi viris-la ki té asosyé avèk lamòr a défin fenm a Gene Hackman, Betsy Arakawa. Dapré Lorganizasyon mondiyal a lasanté (OMS), viris-la risk pa vini in nouvo kovid.
Mé kèk èkspèr avèrti ke CDC-la çé pa paré pou in nouvo kovid si jamé ça ariv. Yé sit finansmen koupé é niméro a moun lashé ki té travayé dan ròl klé. Malgré tou, CDC é OMS, y’ap proklamé ke viris-çila pa kapab propajé tèl kom kovid.
Foto a Reuters
