Nouvo map kongré aprouvé dan Lalwizyan
Le 29 mé, Govèrnœr Landry té sinyé SB 121 ki té voté é aprouvé par séna répiblikin lalwizyan-la apré li té kité komité rédisriksyon le 13 mé. SB 121 va rédisrikté sizyèm disrik-la pou éliminé in disrik minorité majoritè ki té reprézenté par Rep. Cleo Fields.
Malgré map-çila té résévwa boukou kritik par NAACP, ACLU, é Parti Démokrat a Lalwizyan, ki sit map-çila va viyolé Voting Rights Act-la, séna répiblikin té aprouvé map-la par in vòt majorité avèk 28 wi kont 10 non. Répiblikin, yé swèt jouté in nòt pozisyon kontrolé par parti répiblikin mé Rep. Clay Higgins, répiblikin a trwazyèm disrik, té bouganné dan X éyou li té pélé map-la “in zafè Frankeinstein.”
