Le 16 mé: Rézilta a Lélèksyon Lalwizyan

Apré Landry té déklaré in dékré èksékitf pou sispand lélèksyon primè-yé, plizyé group, ki bat pou drwa sivik-yé, té ja fé in plint kont gouvèrnœr-la. Parmi yé, ina NAACP é ACLU.

Malgré Gouvèrnœr Landry té sispand lélèksyon primè-yé, Lalwizyan té toujou gin lélèksyon primè séna é kèk zamendmen pou voté kom zamendmen 2 ki té sé ajouté komisyon lékòl a Sin-Jòrj dan list a komisyon lékòl ki fonksyon kom in parwas. Sin-Jòrj, ki té résenmen séparé de lavil a Batonrouj, t’olé sochin komisyon lékòl malgré li toujou fé parti parwas lès-Batonrouj.

Le 16 mé, shitrwayin Lalwizyan, yé té kouri voté pou sink zamenmen é pou primè séna dan léta. Lalwizyan, par majorité, té voté kont tou zamenmen. Dé démokrat, Jamie Davis é Nick Albares va prézenté enkò pou ségòn rann-la. Davis té résévwa 48% a lavòt kont 26% a Albares. Pou primè répiblikin, Julia Letlow é John Fleming sa vansé a ségòn rann-la. Letlow, soutini par préziden Trump, té résévwa 45% a lavòt. John Fleming té bat détentè Bill Cassidy ak 28% a lavòt kont sô 25%. Lalwizyan va voté enkòr le 27 jwin.