Out There Screaming: An Anthology of New Black Horror
4.5/5⭐
Kan mo t’apé gété lafin a pòrtré Ready or Not (2019), mo pròsh senti in sens soulajmen kan mo té wa in flash inkroyab blé é rouj. Li té enfin résévwa lèd. Sens soulajmen-çála tradwi PA kan vou gèt Get Out (2017). A lafin a listwa Chris, apé gaddé polisyé bouté té mété mô kèr dan mô vent. Mo majinn balans a téyat-la té senti parèy, paske kan çé té dégòrjé ke çé té zami a Chris, Rodney - in lofisiyé TSA - toukékin té bòs aplodi. Yé gin kèkshòj inik dan in listwa lorè nwa byin ékri. Çé ça Out There Screaming té kapab trapé: in vin a lorè spésifik ki aplik a moun nwa. Çé in kolèksyon a 15 listwa par diféren lotè organizé par Jordan Peele. Pli limpòrtan-la, li èd répònn kèstyon-la ki moun ap mandé plis en plis: Eske lorè gin pou semblé parèy pou tou moun? Onètmen, tou listwa pa kapab shinné, mé ina kèkshòj pou toukékin. Listwa spésifik-la ki annim mwin çé “Wandering Devil.” In kont apré in linyé a “vagabon” é konsékans-yé. Ça toush lamou, famiy, é labandon. Ça krèy in lavwa é latmosfèr ki paré krwayab. Dan listwa-çila, é plizyé dòt, mo mèt mò-minm dan soulyé a protagonis. Mo té pròsh kapab senti dézir Freddy té senti pou grouyé. Lafin té in brin baklé, é listwa komplé té kapab dèt pli dévlopé, mé li senti relatab, é ça çé kèkshòj mo pa kapab di souven apré jen lorè. Out There Screaming çé plis pasé in kolèksyon listwa. Li té kapab konsentré sir lorè nwa tandi li té mété dê diférens kiltiryèl é lèkspiryans dan limyè. Mo pens shak fan a lorè sé lir listwa-çálayé. Pitèt yé va sézi zòt, itou.
