Kabri Massalé - La Rényon
Aurélie
Le kabri, sé in vyann ke nou prépare pou bann gran moman : la fête, ou kan la famyi y rasanble. Li lé osi bien présen dann bann sèrémoni religieu, surtout dann la tradision malbar, pou bann servis lé préparé pou partag ek tout de moune. “Chak moune na son fason kuisin a li… la sé la mienne, kom ma aprann ek mon famyi”
Sak i sava dann marmit
1 kg kabri
2 zonyon rouj
4 gous lay
3 tomat
thym
Massalé piment ou sans (mélanz zépices, proche garam masala)
Sel
Safran (curcuma)
Fey kaloupilé (fey curry) ou fey 4 zépices (fey bois d’Inde)
Préparasyon
Koupe le kabri an morso, enlèv bann parti trop gra.
Lave la vyann ek in ti peu vinaig ou citron, parske lodèr ek le
gou lé for.
Frotte bien, apré rince ek delo clair.
Met la marmit su le feu. Kan li lé bien cho, ajoute in ti peu l’huile. Kan l’huile lé bien cho, met le bann morso kabri ek in ti cuillère sel, fé revenir ziska y prend in zoli koulèr.
Ajoute bann zonyon koupé an lamelle fin, lès roussir ziska y dore.
Ajoute lay pilé, tomate koupé en lamelle, thym, safran, fey kaloupilé (ou 4 épices), ek in peu massalé. Kouvèr, lès rédui dousman.
Kan tomate lé bien kuit, ajoute delo ziska y recouv. Baisse le feu, kouvèr et lès mijot dousman.
A mi-kuisson, fo gouté, ajout sel ek massalé si bézwin. Lès kuir ziska la vyann lé bien tenn et la sauce lé épais.
Ti Konsèy
Si la vyann lé ankor in pe dur, rajoute in pe delo, lès rédui ankor.
Manj cho ek deriz blan, grains, ek in bon rougail concombre. Lé ankor méyer le lendmin.
