Ki Nou Yê — Jou Jòrdi

In podkast prézenté en kréyol par Taalib Pierre-Auguste é Tégo Holmes ayou dé boug parl apré Lalwizyan, Tèksas, lavi, é tou ki konsèrn kominoté kréyol-la.

Prémyé lépisod: Lintrodiksyon

Byinvini a nô nouvo podkast pélé Ki Nou Yê. Ki Nou Yê çé présenté par nou, Taalib é Tégo, en kréyol lalwizyan (kouri-vini). Nou swèt vou alé profité de nô podkast.

déziyèm lépisod: Tunika: in langaj zamérindjèn avèk Dr. nathan wendte

Dan lépisod-çila, nou parl avèk Dr. Nathan Wendte pou kompren pozisyon a langaj tunika-la. Langaj tunika çé in langaj ki té parlé par Nasyon Tunika-la mé, malérézmen, langaj-çila té dékliné dan kominoté-la apré Sesostrie Youchigant té mouri en 1915. Érézmen gras a louvraj a Mary Haas ki té rékordé Sesostrie Youchigant avan sô mòr, lingwist-layé a nô jou kapab konstrwi é dévlopé langaj-çila pou nasyon modèrn-la. Si vouzòt olé swiv louvraj a Nasyon Tunika-la, vouzòt kapab présé lyin-la enba.

trwaziyèm lépisod: kréyol misisipi: nô kouzin bliyé avèk Daniele simpson

Dan lépisod-çila, nou parl avèk Danny Simpson pou kompren lidentité kréyol ki rès dan léta Misisipi. Danny Simpson çé dirèktor de kompt Kréyol Konèkt. Zòt ka swiv sô louvraj enho Instagram, Youtube é Zozotè (Twitter).

katriyèm lépisod: Ça ki nou t’apé fé

Dan lépisod-çila, nou parl apré tou ça nou t'apé fé pendan nô pòz. Zòt kapab swiv nou enho Twitter @_kinouye. Si vouzòt olé kontaké nou, voyé nou in mèsaj par lalmèk kinouyepodcast@gmail.com